للحصول على البطاقة الوطنية المغربية

                 قبل ميخرجلك  القوووق من راسك ونتا كتعدل البطاقة تبع هاد الطريقة او مايكون غير الخير

 

 اول حاجة غادي تديرا هي  عتعمل  8 ديال التصاور صغار(كتمشي عند المصور اوكتقولو ديال البطاقة او هو كيفهم راسو)

. اوشي2  شهادة مدرسية ادا كنتي فالمدرسة.اوشي 2 ديال نسخة البطاقة ديال الوالد ديالك مكاليزيين او شي 4 ديال تواريخ الازدياد

دابا خصنا شهادة السكنى من المقاطعة

كتشبر   2 تصاور او  تاريخ ازدياد واحد او شهادة مدرسية وحدةاو نسخة وجدة ديال البطاقة الاب.او كتمشي المقاطعة اللي فالمنطقة ديالك او كتبقش على المقدم ديال الحومة ديالك (المقدم هو كائن يصعب ايجاده .ويشاهد في عادة في اسواق الخضر والفواكه والاسماك...الحمير (عفواا)........)

المهم مكتلقاه  كتقلو باغي نعدل البطاقة .اما كيبغي يبان عليك او كيقلك دير الطلب الحصول على البطاقة ولى كيقولك

(اري اولدي ديك الوريقات) اوكيقوللك سير حتى تجي

المهم

كنشبرو ديك شهادة السكنى او شهادة مدرسية او 6 تصاور 3 تواريخ ازدياد اونسخة بطاقة الاب او75 درهم (القضية حماضات وقيلة)

كنوض مع 7 ديال الصباح او كنمشي الكوميسااارية(متخلعش ) كنشبر الصف مع خوتي حتى يعطيوني الرانديفو(التاريخ فوقاش عتدفع اللوازم) او النمرة دياللك

كتجي مع ديك الناريخ ف7 دالصباح كتشبر الصف عوتاني مع خوتك المغاربة شي نص نهار على الاقل

حتى كتدخل موراهاكيعطيوك التوصيل .كدوز 15 يوم كتمشي تجيب البطاقة دياللك او عحنا سالينا هاد الحريرة .